Qazaqstan Respýblıkasy Investısııalar jáne damý mınıstrliginiń buıryǵy  №83 

  2016 jylǵy 26 qańtar, Astana qalasy Biryńǵaı baılanys-ortalyǵy qyzmetiniń qaǵıdalaryn bekitý týraly «Memlekettik kórsetiletin qyzmetter týraly» 2013 jylǵy 15 sáýirdegi Qazaqstan Respýblıkasynyń Zańy 9-babynyń 9) tarmaqshasyna sáıkes buıyramyn: 1. Qosa berilip otyrǵan Biryńǵaı baılanys-ortalyǵy qyzmetiniń qaǵıdalary bekitilsin. 2. «Memlekettik kórsetiletin qyzmetter máseleleri boıynsha biryńǵaı baılanys-ortalyǵy qyzmetiniń qaǵıdalaryn bekitý týraly» Qazaqstan Respýblıkasy Kólik jáne kommýnıkasııa mınıstriniń 2013 jylǵy 26 maýsym­daǵy № 487 buıryǵynyń (normatıvtik quqyqtyq aktilerin memlekettik tirkeý tiziliminde № 8583 bolyp tirkelgen, «Egemen Qazaqstan» gazetinde 2013 jylǵy 26 qazanda № 240 (28179) jarııalanǵan) kúshi joıyldy dep tanylsyn. 3. Qazaqstan Respýblıkasy Investısııalar jáne damý mınıstrliginiń Baılanys, aqparattandyrý jáne aqparat komıteti (T.B.Qazanǵap): 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryq Qazaqstan Respýblıkasy Ádilet mınıstrliginde memlekettik tirkelgeninen keıin kúntizbelik on kún ishinde onyń kóshirmesin baspa jáne elektrondyq túrde merzimdik baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap kúntizbelik on kún ishinde Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi; 3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 3-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin. 4. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin. 5. Osy buıryq resmı jarııalanǵan kúninen keıin kúntizbelik on kún ótken soń, biraq 2016 jylǵy 1 naýryzdan buryn emes qoldanysqa engiziledi. Qazaqstan Respýblıkasynyń Investısııalar jáne damý mınıstriniń mindetin atqarýshy J.QASYMBEK «KELISILGEN» Qazaqstan Respýblıkasynyń Ulttyq ekonomıka mınıstri ___________ E.DOSAEV 2016 jylǵy 29 qańtar Qazaqstan Respýblıkasy Investısııalar jáne damý mınıstriniń mindetin atqarýshynyń 2016 jylǵy 26 qańtardaǵy № 83 buıryǵymen bekitilgen Biryńǵaı baılanys-ortalyǵy qyzmetiniń qaǵıdalary 1. Jalpy ereje 1. Osy Biryńǵaı baılanys-ortalyǵy qyzmetiniń qaǵıdalary (budan ári – Qaǵıdalar) «Memlekettik kórsetiletin qyzmetter týraly» 2013 jylǵy 15 sáýirdegi Qazaqstan Respýblıkasynyń Zańy 9-babynyń 9) tarmaqshasyna sáıkes ázirlendi jáne Biryńǵaı baılanys-ortalyǵy qyzmetiniń tártibin aıqyndaıdy. 2. Biryńǵaı baılanys-ortalyǵynyń negizgi mindetteri men fýnksııalary: 1) aqparattyq-kommýnıkasııalyq, memlekettik qyzmetter jáne ózge de qyzmetterdi, olardy kórsetýdiń nysandary týraly aqparattyń qoljetimdiligin arttyrý; 2) memlekettik organdardyń qyzmeti týraly kórsetiletin qyzmetti alýshylardyń habardarlyq deńgeıin arttyrý, sondaı-aq aqparattyq-kommýnıkasııalyq, memlekettik qyzmetter jáne ózge de qyzmetterdi kórsetý tártibi men prosesi týraly memlekettik organdar men kórsetiletin qyzmetti alýshylardyń habardarlyq deńgeıin arttyrý; 3) Memlekettik kórsetiletin qyzmet boıynsha aqparatty usyný máseleleri jóninde ortalyq memlekettik organdarmen, oblystardyń jergilikti atqarýshy organdarymen, respýblıkalyq mańyzy bar qalalarmen, astanamen, aýdandarmen, oblystyq mańyzy bar qalalarmen, qaladaǵy aýdandarmen, aýdandyq mańyzy bar qalalarmen, kenttermen, aýyldarmen, aýyldyq okrýgtermen jáne qyzmet berýshilermen ózara is-qımyl jasaý, aqparattyq-kommýnıkasııalyq qyzmetter jáne ózge de qyzmetter boıynsha memlekettik organdarmen jáne «elektrondyq úkimettiń» aqparattyq-kommýnıkasııalyq ınfraqurylymy operatorymen ózara is-qımyl jasasý; 4) aqparattyq-kommýnıkasııalyq, memlekettik qyzmetter jáne ózge de qyzmetter boıynsha aqparatty alý úshin telefondyq qoljetimdiliktiń biryńǵaı núktesimen kórsetiletin qyzmet alýshylardy qamtamasyz etý. 3. Osy Qaǵıdalarda mynadaı uǵymdar jáne qysqartýlar paıdalanylady: 1) aqparattyq-kommýnıkasııalyq kórsetiletin qyzmet – osy kórsetiletin qyzmetterdiń jumys isteýi arqyly qamtamasyz etiletin baılanys qyzmetterin qosa alǵanda, esepteý resýrstaryn jalǵa alý jáne (nemese) ornalas­tyrý, baǵdarlamalyq qamtamasyz etýdi, baǵdarlamalyq ónimderdi, servıstik baǵdarlamalyq ónimderdi jáne tehnı­kalyq quraldardy paıdalanýǵa berý jónindegi kórsetiletin qyzmet nemese kórsetiletin qyzmetterdiń jıyntyǵy; 2) Biryńǵaı baılanys-ortalyǵy – aqparattyq-kommýnıkasııalyq, memlekettik qyzmetter jáne ózge de qyzmetter kórsetý máseleleri jónindegi aqparatty kórsetiletin qyzmet alýshylarǵa, sondaı-aq aqparattyq-kommýnıkasııalyq qyzmetter kórsetý máseleleri jónindegi aqparatty memlekettik organdarǵa usyný boıynsha aqparattyq-anyqtamalyq qyzmetiniń fýnksııalaryn oryndaıtyn Qazaqstan Respýblıkasynyń Úkimeti anyqtaıtyn zańdy tulǵa; 3) biryńǵaı baılanys ortalyǵynyń aqparattyq-anyqtamalyq Bilim bazasy (budan ári – bilim bazasy) – kórsetiletin qyzmetterdi alýshyǵa jaýap berýge saqtaý, aqparatty toltyrý, jańartý jáne qajetti aqparatty izdenistirý úshin Biryńǵaı baılanys ortalyǵynyń elektrondyq derekter qory; 4) Biryńǵaı baılanys-ortalyǵynyń operatory (budan ári - operator) – kórsetiletin qyzmet alýshylardy olardyń qyzyǵýshylyq týǵyzatyn qyzmetteri boıynsha aqparattyq-anyqtamalyq qoldaýdy júzege asyratyn biryńǵaı baılanys - ortalyǵynyń qyzmetkeri; 5) memlekettik kórsetiletin qyzmet – kórsetiletin qyzmetti alýshylardyń ótinishi boıynsha jeke tártippen júzege asyrylatyn jáne olardyń quqyqtaryn, bostandyqtary men zańdy múddelerin iske asyrýǵa, olarǵa tıisti materıaldyq nemese materıaldyq emes ıgilikter berýge baǵyttalǵan jekelegen memlekettik fýnksııalardy iske asyrý nysandarynyń biri; 6) «elektrondyq úkimettiń» aqparattyq-kommýnıkasııalyq ınfraqurylymynyń operatory (budan ári – AKI operatory) – ózine bekitip berilgen «elektrondyq úkimettiń» aqparattyq-kommýnıkasııalyq ınfraqurylymynyń jumys isteýin qamtamasyz etý júktelgen, Qazaqstan Respýblıkasynyń Úkimeti aıqyndaıtyn zańdy tulǵa. 2. Biryńǵaı baılanys-ortalyǵy qyzmetiniń tártibi 4. Biryńǵaı baılanys-ortalyǵy: 1) memlekettik jáne ózge de qyzmetter kórsetý máseleleri boıynsha jeke jáne zańdy tulǵalardy táýlik boıy konsýltasııalyq qoldap otyrýdy júzege asyrady; 2) memlekettik organdarǵa kórsetetin aqparattyq-kommýnıkasııalyq qyzmetteriniń máseleleri boıynsha olardy táýlik boıy konsýltasııalyq qoldap otyrýdy júzege asyrady; 3) «elektrondyq úkimet» máseleleri boıynsha jeke jáne zańdy tulǵalardy, memlekettik organdardy táýlik boıy konsýltasııalyq qoldap otyrýdy júzege asyrady; 4) aqparattyq-kommýnıkasııalyq, memlekettik jáne ózge de kórsetiletin qyzmetterdi alýshyda týyndaǵan suraqtar boıynsha túsindirmeler berý úshin AKI operatorǵa, memlekettik organdarǵa jáne ózge de uıymdarǵa suraý salý jiberedi; 5) AKI operatorǵa, memlekettik organdarǵa jáne ózge de uıymdarǵa jeke jáne zańdy tulǵalardan kelip túsken ótinishter boıynsha aqparatty júıeli negizde jiberip otyrady. 5. Biryńǵaı baılanys-ortalyǵy óz qyzmetinde mynadaı qaǵıdattardy basshylyqqa alady: 1) qyzmetterdiń sapasy men qoljetimdiligi; 2) qyzmetterdi kórsetý tártibi týraly durys jáne ózekti aqparatty usyný; 3) qyzmetterdi kórsetý tártibi týraly tolyq jáne jedel aqparatty usyný. 6. Biryńǵaı baılanys-ortalyǵy óziniń qyzmetterin Qazaqstan Respýblıkasynyń halqyna táýlik boıy, úzdiksiz, demalys jáne mereke kúnderi kórsetedi. 7. Azamattardyń jáne memlekettik organdardyń ótinishteri 1414, 8 800 080 7777 tegin telefon nómirlerine, www.1414.kz ınternet resýrsy boıynsha, egov@nitec.kz, support@pki.gov.kz, sd@nitec.kz elektrondyq poshtasynyń mekenjaıyna kelip túsedi. Telefon arqyly shaǵymdanǵan jaǵdaıda kórsetiletin qyzmetti alýshynyń qońyraýy túsken ýaqyttan bastap baılanys jelisinde jaýapty kútýdiń ortasha ýaqyty qyryq sekýndtan aspaýy tıis. 8. Elektrondyq poshtaǵa nemese www.1414.kz elektrondyq mekenjaıy boıynsha ınternet resýrsqa kelip túsken ótinishterdi tirkeý avtomatty túrde júzege asyrylady, jaýap eki jumys kúni ishinde beriledi. 9. Operator Bilim bazasyndaǵy bar aqparat boıynsha qyzmetterdiń aqparattyq-anyqtamalyq qoldaýyn júzege asyrady. 10. Eger ótinishterde Biryńǵaı baılanys-ortalyǵy qyzmetine kirmeıtin máseleler qamtylsa, operator ótinish bildirgen adamǵa osy máselelerdi sheshýi onyń quzyretine kiretin sýbektige qatysty ondaǵy bar aqparatty beredi. 11. Qońyraýdy qaıta baǵyttaǵan kezde operator kórsetiletin qyzmetti alýshyny ol týraly eskertýge mindetti. 12. Biryńǵaı baılanys-ortalyǵy elektrondyq sıfrlyq qoltańbamen kýálandyrylǵan elektrondyq qujat nysanynda www.egov.kz elektrondyq mekenjaıy boıynsha ınternet-resýrsy arqyly shaǵymdardy berý máseleleri boıynsha kórsetiletin qyzmetterdi alýshylarǵa konsýltasııa beredi jáne merzimi týraly habardar etedi. 13. Kórsetiletin qyzmetti alýshyǵa kórsetilgen konsýltasııanyń sapasyn baǵalaý múmkindigi beriledi. Operatormen sóılesý aıaqtalǵannan keıin birden bes balldyq shkala boıynsha operatordyń jumysyn baǵalaýdy usynatyn júıe avtomatty túrde qosylady. 14. Aqparattandyrý salasyndaǵy ýákiletti organnyń jáne (nemese) memlekettik qyzmetterdiń sapasyn baǵalaý jáne baqylaý jónindegi ýákiletti organnyń jazbasha talaby boıynsha Biryńǵaı baılanys-ortalyǵy tıisti suraý salýdy alǵannan keıin tórt saǵattan aspaıtyn merzimde operatorlardyń sóılesý jazbasyn beredi. Bul rette suraý salýda kórsetiletin qyzmetti alýshynyń kúni jáne telefon nómiri kórsetilýi tıis. 15. Biryńǵaı baılanys-ortalyǵy operatorlardyń kásibı quzyretin arttyrýdy turaqty negizde júzege asyrady, memlekettik qyzmetterdiń standarttary boıynsha oqytýdy jáne qaıta oqytýdy júrgizedi, yntalandyrý jáne madaqtaý sıpatyndaǵy sharalardy qoldanady. 16. Memlekettik qyzmetterdi kórsetý máseleleri boıynsha aqparatty berýdiń sapasyn baqylaý aqparattandyrý salasyndaǵy ýákiletti organmen júzege asyrylady. 17. Biryńǵaı baılanys-ortalyǵynyń aqparattyq-kommýnıkasııalyq qyzmetter boıynsha konsýltasııa berýi úshin AKI operatoryn: 1) Biryńǵaı baılanys-ortalyǵy qyzmetkerlerin oqytady; 2) Biryńǵaı baılanys-ortalyǵynyń bilim bazasyn qajetti aqparatpen toltyrady; 3) memlekettik organdardyń suraý salýlaryn sheshý úshin servıstik baǵdarlamalyq ónimdi jetkizýshilerdiń qyzmetkerlerinen jáne óz qyzmetkerlerinen turatyn jaýapty tulǵalar tobyn qurady. Buıryq Qazaqstan Respýblıkasynyń Ádilet mınıstrliginde 2016 jylǵy 29 aqpandaǵy Normatıvtik quqyqtyq kesimderdi memlekettik tirkeýdiń tizilimine №13324 bolyp engizildi.